اقتصاد كاتبة الدولة لدى وزير شؤون الشباب والرياضة السابقة مستاءة من "النعرة الشيوعية التي تتحير عند الشعب الكريم"!
عبرت فاتن قلال كاتبة الدولة لدى وزير شؤون الشباب والرياضة السابقة عن استيائها من الجدل الذي أثاره نقاش قانون المالية لدى البعض مشيرة الى "النعرة الشيوعية التي تتحير عند الشعب الكريم".
ونشرت فاتن القلال على صفحتها الرسمية التدوينة التالية: "كيف العادة و الله لا تقطعلنا عادة وين يجينا قانون المالية النعرة الشيوعية تتحير عند الشعب الكريم و الناس الكل تولي تطالب برؤوس رجال الاعمال (هالناس الي ما تحشمش الي قاعدة تستغنى على ضهوراتنا)...
اني نقول لواش نقعدو نغزلو كل عام؟
نقترح مرة وحدة و الى الابد نيسقو الانشطة الاقتصادية الخاصة التالية : المساحات التجارية، استيراد الكراهب و اللبسة و الماكلة، الانشطة البترولية، البنوك، الوتلة، و شركات الاتصالات.
نزيدكم اكثر، بالنسبة للانشطة الاخرى، الي تبدى تربح في الفلوس نسكروها و الا نامموها، موش معقول ناس تستغنى و احنا قاعدين نتفرجو. لازم الشركات الكل تكون كيف الشركات العمومية تخدم موظفين فوق من طاقتها و فالسة.
و هكذا نكونو حققنا العدالة و نرجعو لتونس متع الثمانينات، تقضي من عند الجربي، صباتك من عند باطا و كي تسلكها من عند Jancel ، و تستنى ولد عمك كيف يجي من فرانسا يجيبلك كعبة تفاح حمرة و كعبتين بانان تقسموهم على عشرين العايلة الكل، و نعيشو فرحين مسرورين.
و كل عام و شيوعيي تونس بخير
قانون المالية
عيد الشيوعيين".
